اندور میں اتر پردیش کے ہاتھرس میں پیش آئے جنسی زیادتی کے خلاف سیاسی پارٹیوں اور سماجی تنظیموں نے زنجیر بنا کر مظاہرہ کیا اور متاثرہ کو خراج عقیدت بھی پیش کیا۔
مظاہرین کا کہنا ہے کہ ملزمین کو جلد سے جلد پھانسی کی سزا دی جائے تا کہ جرائم کرنے والوں کو سبق مل سکے کہ غلط کرنے والوں کیسی سزا ملتی ہے۔
مظاہرین نے موجودہ حکومت پر الزام عائد کیا کہ ان کے اقتدار میں آنے کے بعد سے ہی خواتین اور اقلیتی طبقوں کے ساتھ بڑی ناانصافی کی جارہی ہیں کیوں کہ ناانصافی کرنے والوں کو یہ پتہ ہے کہ ان کے رہنما ان کو بچالیں گے بیٹی بچاؤ بیٹی پڑھاؤ محض ایک جملہ ہے موجودہ حکومت میں نہ ہی خواتین محفوظ ہے اور نہ ہی دلت اور اقلیتی طبقے کو انصاف مل پارہا ہے مظاہرین کا کہنا ہے کہ حکومت تو کسی چیز کی ذمہ داری نہیں لے رہی جس طریقے سے متاثرہ کی آخری رسومات کو آدھی رات میں ادا کر دی گئی۔ اس سے ایسا لگتا ہے کہ سارے ثبوت ختم کرنا چاہتے تھے مگر جو ثبوت عوام کے دلوں میں بسے ہیں اسے وہ کیسے ختم کریں گے ۔
