مسٹر کمل ناتھ سابق وزیر اعظم راجیو گاندھی کی 75 ویں سالگرہ پر مقامی رویندر بھون میں منعقد پروگرام میں نوجوانوں کے ساتھ بات چیت کر رہے تھے ۔ اس دوران انہوں نے ایک طالب علم کے سوال کا جواب دیتے ہوئے کہا کہ حکومت نے ملاوٹ کے خلاف ’شدھ کے لئے یدھ ‘ مہم شروع کی ہے ، لیکن اس میں سماج کے تعاون کی ضرورت ہے ۔ انہوں نے کہا کہ حکومت اب منشیات مخالف مہم شروع کرنے جا رہی ہے ۔
ایک اور سوال کے جواب میں انہوں نے کہا کہ نوجوانوں کو صرف ’اچیومنٹ‘ نہیں، بلکہ ’فل فلمنٹ‘ کو اپنا ہدف بنانا چاہیے۔ نوجوان غور کریں کہ انہوں نے سماج اور کنبے کے لئے کیا کیا ۔
ریاست میں صنعت کاری کو اپنی ترجیح قرار دیتے ہوئے انہوں نے کہا کہ حکومت سرمایہ کاروں میں اعتماد کا ماحول پیدا کرنے کی کوشش کر رہی ہے اور اس میں کامیابی کی طرف بڑھ رہی ہے۔ترقی کے چھندواڑہ ماڈل کے سلسلے میں انہوں نے کہا کہ انہوں نے چھندواڑہ میں روزگار بڑھانے کے لئے تقریبا 12-13 سال پہلے اسکل سینٹر کے بارے میں سوچا اور اس سمت میں کام شروع کیا ۔ انہوں نے کہا کہ اب دنیا میں سب سے زیادہ اسکل سینٹر چھندواڑہ میں ہیں۔اسی دوران انہوں نے نوجوانوں سے خطاب کرتے ہوئے کہا کہ علم اور تعلیم میں فرق ہے ۔
