مجاہد آزادی مفتی عبد الرزاق خان دار فانی سے کوچ کر گئے

بھوپال کے مجاہد آزادی، ریاست کے مفتی اعظم اور قومی نائب صدر جمیعۃ علماء ہند حضرت مفتی عبد الرزاق خان کا بدھ کی رات انتقال ہو گیا۔ مفتی عبدالرزاق دارالحکومت بھوپال کے سب سے پرانے اور بڑے مدرسہ مسجد ترجمہ والی کے ذمہ دار تھے۔

مجاہد آزادی رہے مفتی عبد الرزاق خان کا انتقال 92 سال کی عمر میں ہوا۔ مفتی عبد الرزاق لمبے وقت سے بیمار تھے۔

مفتی عبدالرزاق کے انتقال کے بعد ریاست میں غم کی لہر سی دوڑ گئی ہے، جس کی وجہ سے آج جمعرات صبح سے ہی پورے شہر کو لاک کردیا گیا ہے۔

عبدالرزاق صاحب کی نماز جنازہ آج بعد نماز ظہر اقبال میدان میں ادا کی جائے گی۔ اس لئے اقبال میدان کے ساتھ پرانے شہر بھوپال کو پوری طرح سے پولیس نے چھاونی میں تبدیل کر دیا ہے، کیونکہ مفتی صاحب کے جنازہ میں بڑی تعداد میں لوگ شرکت کرنا چاہتے ہیں۔

ضلع انتظامیہ کے مطابق مفتی عبدالرزاق صاحب کی آخری رسومات سرکاری اعزاز کے ساتھ مکمل کی جائے گی، کیونکہ مفتی عبدالرزاق ایک مجاہد آزادی بھی رہے ہیں۔ اس لیے ان کو گارڈ آف آنر بھی دیا جائے گا۔