ریاست مدھیہ پردیش کی تنظیم مسلم ایجوکیشن اینڈ کیریئر پرموشن سوسائٹی بھوپال Muslim Education and Career Promotion Society Bhopal نے طلبہ کی ضرورت کو دیکھتے ہوئے مفت کمپیوٹر تعلیم دینے کا سلسلہ شروع کیا ہے۔ سوسائٹی کے ذریعہ پہلے کورونا قہر میں اپنے سرپرستوں سے محروم ہوئے طلبہ کی تعلیمی سلسلے کو جاری رکھنے کا تاریخی قدم اٹھایا گیا تھا۔
اب سوسائٹی کے ذریعے بلا لحاظ قوم و ملت کو مفت کمپیوٹر تعلیم دینے کا سلسلہ شروع کر کے سماج کی بڑی تعلیمی ضرورت کو پورا کرنے کی کوشش کی جا رہی ہے۔
سوسائٹی کے ذریعہ شروع کی گئی مفت کمپیوٹر تعلیم کو طلبہ نے وقت کی اہم ضرورت سے تعبیر کیا ہے۔ مسلم ایجوکیشن اینڈ کیریئر پرموشن سوسائٹی کے سکریٹری ڈاکٹر ظفر حسن کہتے ہیں کہ سوسائٹی کے قیام کا مقصد طلبہ کو تعلیمی مواقع فراہم کرنا ہے۔
سوسائٹی کے ذریعے پہلے میرٹ میں آنے والے طلبہ کو اسکالرشپ دی جاتی تھی، اس کے بعد کے دائرے کو وسیع کرتے ہوئے سوسائٹی کے مقاصد میں طلبہ کے کیریئر کو لیکر گائیڈنس کیمپ اور سماج کے پسماندہ طبقات کو تعلیم کے لیے اسکالر شپ فراہم کرنے کا سلسلہ شروع کیا گیا اور جب نے سوسائٹی نے دیکھا کہ کورونا قہر میں بہت سے ایسے طلبہ جو اپنے سرپرستوں سے محروم ہوگئے ہیں اور مالی دشواریوں کے سبب ان کا تعلیمی سلسلہ منقطع ہو رہا ہے تو سوسائٹی نے اس جانب توجہ دی اور ایسے طلبہ کی نشاندہی کرکے انہیں چیک تقسیم کیا تاکہ ان کا تعلیم کا سلسلہ جاری رہ سکے۔
اسی طرح سوسائٹی نے بہت سے ہونہار طلبہ جنہوں نے اچھی میرٹ حاصل کی ہے لیکن وہ کمپیوٹر تعلیم سے ناواقف ہے تو بلا لحاظ مذہب و ملت کے لیے مفت کمپیوٹر تعلیم کی شروعات کی ہے تاکہ طلباء کو کمپیوٹر تعلیم سے آراستہ کر سکے اور اپنے پیروں پر کھڑے ہو کر اپنی اور اپنے گھر کی کفالت کر سکے۔
کمپیوٹر تعلیم حاصل کرنے کے لیے آنے والے طالبات نے سوسائٹی کے اس قدم کی ستائش کی اور کہا یہاں پر صرف کمپیوٹر کی بیسک تعلیم نہیں دی جا رہی ہے بلکہ بڑی کمپنیوں کی ضرورت کو دیکھتے ہوئے تعلیم دی جارہی ہے تاکہ ہم کسی بھی بڑی کمپنی میں جاکر کام کرسکے اور اپنی زندگی کو خوبصورت بنا سکے۔
مسلم ایجوکیشن اینڈ پرموشن سوسائٹی کے ذریعہ ابھی مفت کمپیوٹر تعلیم کا ایک بیج شروع کیا گیا ہے لیکن گرمیوں کی چھٹی میں اس میں مزید بیچ کا اضافہ کیا جائے گا تاکہ زیادہ سے زیادہ طلباء خود کو کمپیوٹر تعلیم سے آراستہ کر کے ملک و قوم کی خدمت کر سکیں۔
