اندور: ریاست مدھیہ پردیش کے اندور شہر میں ایک لڑکی نے چار نوجوانوں پر جنسی زیادتی کا الزام عائد کیا ہے۔ اطلاعات کے مطابق متاثرہ نے شکایت درج کرائی ہے کہ 4 مہینے قبل وہ نوکری تلاش کررہی تھی، اسی دوران انسٹاگرام پر اسے ایک نوجوان کا میسیج آیا اور اس نوجوان نے بتایا کہ وہ ایک شہر سے دوسرے شہر پیسہ ٹرانسفر کرنے کا کام کرتا ہے اور اس کے دو دوست وجے نگر میں ایڈوائزر کا کام کرتے ہیں۔ اس میں وہ لڑکی کی نوکری لگوا دے گا۔اسی طرح اس نوجوان کے دوستوں سے بھی لڑکی کے تعلقات ہوئے اور ان لوگوں نے مل کر لڑکی کے ساتھ جنسی زیادتی کی۔ Indore Rape Case
اندور کے ایڈیشنل ڈی ایس پی راجیش سنگھ رگھوونشی نے بتایا کہ تُکوگنج تھانہ میں ایک خاتون نے مقدمہ درج کرایا ہے۔جس میں دفعہ 376 ایس ٹی ایس سی کی مختلف دفعات کے تحت مقدمہ درج کیا گیا ہے۔انہوں نے بتایا کہ متاثرہ کی جانب سے جن چار ملزمین کے نام بتائے گئے تھے پولیس نے انہیں گرفتار کرلیا ہے۔
