مدھیہ پردیش کے صنعتی شہر اندور کے لسوڑیاں تھانہ علاقے میں سکندر گروہ کے چار بدمعاشوں کو پولیس نے گرفتار کیا ہے، جو بائی پاس علاقے میں ڈاکا ڈالنے کی منصوبہ بندی کر رہے تھے ان کے پاس سے پولیس نے چار بندوق اور زندہ کارتوس برآمد کئے ہیں۔
اندور کے پولیس افسر سورج بھان ورما، نے ایک پریس کانفرنس کے ذریعے بتایا کہ ہمیں مخبر کے ذریعے یہ خبر ملی تھی کہ کچھ لوگ بائی پاس پر ڈاکہ ڈالنے کی منصوبہ بندی کر رہے ہیں جو ہتھیار سے لیس ہیں۔
جس کے بعد پولیس نے موقع سے چھاپہ ماری کر کے چار لوگوں کو گرفتار کیا ہے یہ چاروں ملزمین سکندر نامی شخص کے گروہ سے تعلق رکھتے ہیں۔
پولیس کی پوچھ تاچھ میں پتا چلا کہ گرفتار ملزمین کے پاس سے برآمد بندوق فارسٹ آفیسر کے گھر سے 2017 میں چوری کی گئی تھی، جس کا معاملہ دیواس ضلع کے باگلی میں درج ہے۔
گرفتارکئے گئے ملزمین میں سکندر، وسیم , محمد ذاکر، رام بھروسے, شامل ہیں جن کے خلاف پولیس معاملہ درج کرکے مزید تفصیلات حاصل کر رہی ہے۔
