مدھیہ پردیش کے سابق وزیراعلی چوہان نے ٹوئیٹ کرکے کہا کہ ایک قرارداد تھی، جو پوری ہوگئی ہے۔ ایک ملک میں دو اسمبلی، دو سربراہ، دو نشان نہیں چلیں گے۔
چوہان نے لکھا ’’آج شیاما پرساد مکھرجی و دین دیال اپادھیائے نیز ہزاروں قوم پرستوں کا خواب پورا ہوا ہے۔ ہم ان کی قربانی ضائع نہیں جانے دیں گے‘‘۔
انہوں نے کہا کہ جموں کشمیر میں اب دہشت گردی باقی نہیں رہے گی۔یہ بدعنوانی سے آزاد ہوگا اور ا س کی ہر سمت سے ترقی ہوگی۔ صحیح معنوں میں آج جموں کشمیر کو آزادی ملی ہے۔ انہوں نے کہا کہ ہندوستان کے وزیراعظم نریندر مودی نے ملک کے لئے بھگوان کا وردان ہیں۔ ایسے مضبوط ارادے کے لئے وزیراعظم اور وزیر داخلہ کو انہوں نے مبارکباد دی ہے۔
چوہان نے کہا کہ پنڈت جواہر لال نہرو کی جموں و کشمیر سے متعلق غلطی کو مسٹر مودی نے اصلاح کردی ہے۔ انہوں نے کہا کہ آج ہندوستانی جن سنگھ کے بانی ڈاکٹر شیاما پرساد مکھرجی کو سچی خراج عقیدت پیش کی گئی ہے۔ ایک ملک میں دو نشان، دو قانون کا التزام نہیں چلے گا۔
چوہان نے کہا کہ دفعہ 370 سے متعلق التزام ختم ہونا ملک کے لئے فخر اور خوشی کا بے مثال لمحہ ہے۔ انہوں نے کہا کہ فخر کے اس منفرد لمحے کی ملک اور ملک کے عوام کو مبارکباد۔
