ریاست مدھیہ پردیش کے سابق وزیراعلیٰ کمل ناتھ نے کہا کہ کسانوں نے اپنے حق کے لیے آواز اٹھائی ہے، بھارتیہ جنتا پارٹی نے یہ قانون کسانوں کے لیے بنایا ے لیکن کسان ایسا قانون نہیں چاہتے۔
سابق وزیراعلیٰ اور کانگریس کے سینیئر رہنما کمل ناتھ نے کسان تحریک پر کہا کہ کسانوں نے جو احتجاج شروع کیا ہے وہ ان کے اپنے حق کے لیے ہے۔
انہوں نے کہا کہ بھارتی جنتا پارٹی کا کہنا ہے کہ یہ جو زراعتی قانون نافذ کیا گیا ہے اس سے کسانوں کو فائدہ پہنچے گا، جبکہ کسان اس قانون کو تسلیم کرنے کو تیار نہیں ہیں کیونکہ اس قانون سے کسانوں کو کم اور کارپوریٹ گھرانوں کو زیادہ فائدہ پہنچ رہا ہے، اس لیے کسان اس طرح کا قانون نہیں چاہتے ہیں۔
انہوں نے کہا کہ حکومت کو سمجھنا چاہیے کیونکہ ملک کا زیادہ تر دارومدار کسانوں پر منحصر ہے اور اگر وہ ناراض ہوگئے تو ملک کو ہوگا۔
انہوں نے کہا کہ لاکھوں کی تعداد میں کسان احتجاج کررہے ہیں اس لیے حکومت کو کسانوں کی پریشانیوں کو سمجھنا چاہیے۔
واضح کرتے چلیں کی آج کسان تحریک کا 16وا دن ہے اور کسان لگاتا دہلی سرحد پر پنجاب، مہاراشٹر، مدھیہ پردیش، راجستھان اور چھتیس گڑھ اترپردیش، بہار تلنگانہ، آندھرا پردیش، کرناٹک کے ساتھ ہی دیگر ریاستوں سے پہنچ رہے ہیں۔
ساتھ ہی اب کسانوں نے اس ذراعتی قانون کو واپس لینے کے لیے سپریم کورٹ کا دروازہ کھٹکھٹایا ہے۔
