ریاست مدھیہ پردیش کے دارالحکومت بھوپال میں بڑھتے کورونا انفیکشن کے سبب 10 دنوں کا لاک ڈاؤن لگا دیا گیا تھا جو کہ 3 اگست تک جاری رہے گا۔
اسی درمیان آج مسلم طبقے نے عید الاضحی کا تہوار منایا جس میں شہر قاضی کی ہدایت اور ضلع انتظامیہ کی گائیڈ لائن کا خیال رکھتے ہوئے بھوپال کے باشندوں نے نماز عید اپنے گھروں میں ادا کی اور مسجدوں میں پانچ افراد نے معاشرتی فاصلے کے ساتھ نماز ادا کی۔
چونکہ عیدالاضحیٰ پر قربانی کا اہتمام کیا جاتا ہے اور شہر بھوپال میں اجتماعی قربانیاں زیادہ تعداد میں کی جاتی ہے اس لیے اجتماعی قربانیوں پر پابندی کرتے ہوئے اپنے اپنے گھروں میں ذاتی جگہوں پر ضلعی انتظامیہ نے قربانی کی اجازت دی ہے۔
بھوپال کی تین سو سالہ تاریخ میں پہلی بار عید الاضحیٰ کی نماز بندوں نے گھروں میں ادا کی، مسجدوں میں مسلم طبقے نے نماز ادا کرنے والے لوگوں نے دنیا میں پھیلی کورونا وبا سے نجات کی دعا مانگی۔
