ریاست مدھیہ پردیش میں کورونا وائرس کا قہر چھہ ماہ سے مسلسل جاری ہے۔ ریاست میں ہر روز کورونا کے نئے معاملے سامنے آرہیں ہیں۔ ساتھ ہی اس وبا سے مرنے والوں کی تعداد میں بھی ہر روز اضافہ ہورہا ہے۔
اس تعلق سے ڈاکٹرز کا کہنا ہے کہ 'جس شخص کا ایمیونیٹی پاور کمزور ہے انہیں کورونا سے زیادہ خطرہ ہے۔ جس میں بچے بزرگ حاملہ خاتون کے ساتھ ساتھ ایسے لوگ بھی شامل ہیں جو پہلے سے کسی بیماری میں مبتلا ہیں۔
بھوپال کے ساتھ ریاست کے کئی اضلاع میں ایسے معاملہ پیش آئے ہیں۔ جہاں حاملہ خاتون کورونا مثبت پائی گئی اور کامیابی کے ساتھ ڈیلیوری بھی کی گئی، جس کے بعد پیدا ہوا بچہ بھی کورونہ مثبت پایا گیا ہے۔
کورونا وائرس کی شروعات سے لے کر اب تک حاملہ خواتین کے معاملے میں صرف دس فیصد ہی سنگین معاملے پیش آئے ہیں۔ جس میں ڈیلیوری کے دوران ان کی موت واقع ہوئی ہے، وہیں حکومت اور محکمہ صحت خواتین کے لیے کافی فکر مند ہیں۔
