چوہان نے ٹویٹ کے ذریعہ کہا کہ 'قربانی اور خدمت کے علمبردار، مدھیہ پردیش کے لال، بے لوث خدمت گزار، سابق صدر جمہوریہ ڈاکٹر شنکر دیال شرما جی کے یوم پیدائش پر ان کو سلام۔ عوامی خدمت اور ملک کی ترقی کے لئے کئے گئے آپ کے کاموں، قربانی اور خدمت کو ہمیشہ یاد کیا جائے گا۔‘‘
ریاست کے وزیر داخلہ ڈاکٹر نروتم مشرا نے بھی سابق صدر ڈاکٹر شنکر دیال شرما کے یوم پیدائش پر انہیں خراجِ عقیدت پیش کیا۔
ڈاکٹر مشرا نے ٹویٹ کے ذریعہ کہا کہ 'انگریز حکومت کے خلاف ہندوستان چھوڑو تحریک میں پیش پیش سابق صدر جمہوریہ ڈاکٹر شنکر دیال شرما کے یوم پیدائش پر خراج عقیدت۔ ملک کی آزادی کے بعد بھوپال اسٹیٹ کے ہندوستانی جمہوریہ میں انضمام کی تحریک میں ان کا فعال تعاون ہمیشہ یاد کیا جائےگا۔'
