اس واقعہ کا ویڈیو سوشل میڈیا پر وائرل ہو گیا۔ ریاست کا معروف شہر اندور جہاں مختلف تفریحی مقامات ہیں، ان میں چڑیا گھر کو کافی اہمیت کی حامل ہے ۔
لمبے وقت تک لاک ڈاؤن کے بعد اب جب تفریح کے لیے چڑیا گھر کھولا گیا ہے تو سیر کے لیے آنے والوں کی تعداد بھی بڑھنے لگی ہے۔
جمعہ کی شب دیواس علاقہ کے باگلی کے رہنے والے فیضان اپنے دوستوں کے ساتھ چڑیا گھر تفریح کے لیے پہنچے تھے مگر ٹکٹ کے حوالے سے کسی بات پر تنازع ہو گیا جس پر چڑیا گھر کے ملازمین نے فیضان منصوری کے ساتھ مار پیٹ کی۔
موقع پر موجود کسی نے اس کا ویڈیو بنا لیا جو بعد میں وائرل ہو گیا۔ چڑیا گھر کے ملازمین کے اس رویہ پر سیاسی رہنما اور سماجی کارکن نے سخت ناراضگی کا اظہار کیا ہے۔
یہ بھی پڑھیں: دنیا میں کورونا کے متاثرین کی تعداد 11.33 کروڑ سے تجاوز
فیضان کے والدین نے ملازمین کے خلاف معاملہ درج کروا دیا ہے۔ اندور شہر کانگریس آج فیضان کے والدین کو لے کر بلدیہ دفتر پہنچے۔ انہوں نے اعلی افسران کو اس معاملہ میں میمورنڈم پیش کیا اور ملازمین کو معطل کرنے کا مطالبہ کیا۔
