راجیہ سبھا رکن پارلیمنٹ سنگھ نے ٹویٹ کے ذریعے کہا کہ 'معزز سپریم کورٹ نے رام جنم بھومی فیصلے میں بابری مسجد کو شہید کرنےکے عمل کو غیر قانونی جرم مانا ہے ۔ کیا قصورواروں کو سزا مل پائے گی؟ دیکھتے ہیں 27 سال ہو گئے ہیں۔'
دراصل چھ دسمبر 1992 کو متنازعہ ڈھانچے کو ڈھائے جانے کے معاملہ میں مجموعی طور پر 49 مقدمات درج کیے گئے تھے۔ پانچ اکتوبر 1993 کو سی بی آئی نے تحقیقات کے بعد اس کیس میں کل 49 ملزمان کے خلاف چارج شیٹ داخل کی تھی۔ ان میں سے17 ملزمان کی موت ہو چکی ہے۔
کہا جارہا ہیکہ 'ایودھیا میں متنازعہ ڈھانچے کو گرانے کے معاملہ میں اپریل 2020 تک عدالتی فیصلہ آسکتا ہے۔ لکھنؤ میں سی بی آئی کی خصوصی عدالت (ایودھیا کیس) میں روزانہ کیس کی سماعت ہورہی ہے۔
گزشتہ 11 اکتوبر کو کیس کی سماعت میں تیزی لاتے ہوئے خصوصی عدالت نے چار گواہوں کو روزانہ سمن طلب کرنے کا حکم دیا ہے۔
