بی جے پی دگ وجے سنگھ پر 'ہندو آتنک واد' لفظ کا استعمال کرنے کا بار بار الزام عائد کرتی رہی ہے۔ یہی وجہ ہے کہ دگ وجے سنگھ اب سادھوؤں سے ملاقات کر رہے ہیں۔
دگ وجے سنگھ نے بھوپال میں اہلیہ کے ساتھ پوجا بھی کی۔ پوجا کے دوران کمپیوٹر بابا بھی موجود تھے۔
دگ وجے سنگھ نے کہا کہ'انہوں نے ہندو آتنک واد جیسا لفظ کبھی استعمال نہیں کیا ہے۔ انہیں بدنام کیا جا رہا ہے۔ وہ ہندو ہیں۔ ہندوؤں کو دہشت گرد قرار دینے والوں کو عوام کبھی معاف نہیں کرے گی۔'
انہوں نے الزام عائد کیا کہ'سادھوی کا نام آر آر ایس پرچارک کے قتل کے معاملے میں سامنے آیا تھا۔ اس معاملے میں انہیں جیل بھی جانا پڑا تھا۔'
بھوپال پارلیمانی حلقے میں 19.5 لاکھ ووٹرز ہیں۔ ان میں ساڑھے چار لاکھ پسماندہ طبقات کے ووٹرز، دو لاکھ کائستھ ووٹرز، سوا لاکھ شتریہ، ساڑھے تین لاکھ برہمن اور چار لاکھ مسلم ووٹرز ہیں۔
جس کے مدنظر مذہب اور ذات پات کی بنیاد پر ووٹوں کی تقسیم نہ ہو اس کے لیے دگ وجے سنگھ مکمل کوشش کر رہے ہیں۔
قابل ذکر ہے کہ بھوپال پارلیمانی حلقے میں 8 اسمبلی حلقے آتے ہیں۔ گذشتہ اسمبلی انتخابات میں آٹھ میں سے پانچ سیٹ پر بی جے پی کو کامیابی حاصل ہوئی ہے جبکہ تین سیٹ پر کانگریس نے بی جے پی کو شکست دیا ہے۔
