ڈیزل سے بھرے ٹینکر میں آگ لگی

مدھیہ پردیش کے سیونی ضلع ہیڈکوارٹر سے جبل پور کی سمت جانے والے فورلین روڈ پر گرام گنیش گنج کے نزدیک ایک ٹینکر میں آگ لگ گئی،جس سے دونوں سمت جام لگ گیا۔

پولیس ذرائع کے مطابق جبل پور کے سہپورا بھٹونی سے ایک ٹینکر 6ہزار لیٹر ڈیزل لے کر آج صبح بالا گھاٹ ضلع لانجی علاقے کےلئے نکلاتھا۔یہ ٹینکر لکھنادون ڈولپمنٹ بلاک کے تحت آنے والے گرام گنیش گنج میں بریک جام ہونےسے اچانک پلٹ گیا اوراس میں فوراً آگ لگ گئی۔

اس حادثے کی اطلاع ملنے کے بعد پولیس دستہ موقع پر پہنچا۔آگ بجھانے کےلئے فائر بریگیڈ کو بلایا گیا۔آج بجھانے کی کوشش کی جارہی ہے۔

اس حادثے کی وجہ سے جبل پور سے ناگپور کی سمت جانے والے راستے پر دونوں سمت جام لگ گیا ،جہاں سیکڑوں کی تعداد میں گاڑیاں ٹریفک کھلنے کا انتظار کررہی ہیں۔