ریاست مدھیہ پردیش میں جس طرح سے سیاسی حالات بن رہے ہیں اس سے لگاتار دونوں پارٹیوں میں میٹنگ کا دور جاری ہے-
اسی درمیان سابق وزیراعلی دگ وجے سنگھ نے وزیراعلی کمل ناتھ سے ملاقات کی۔ جس کے بعد دگ وجے سنگھ نے نامہ نگاروں سے بات کرتے ہوئے کہا کہ آج سپریم کورٹ میں اس سلسلے میں سماعت ہوئی ہے، لیکن کانگریس کی جانب سے کسی کی حاضری نہیں ہونے سے کورٹ نے کانگریس کو نوٹس جاری کیا ہے۔
وہیں کانگریس کے اکثریت ثابت کرنے کے سوال پر دگ وجے سنگھ نے کہا کہ جب تک 16 رکن اسمبلی بنگلورو میں موجود ہیں اور وہاں سے بیان دے رہے ہیں، تو سب سے پہلے وہ یہ بتائے کہ وہ وہاں کر کیا رہے ہیں-
انہوں نے یہ بھی کہا کہ رکن اسمبلی دباؤ میں ہیں، اور ان کے چاروں طرف پولیس لگی ہوئی ہے، جس کی وجہ سے وہ اپنے رشتہ دار یا دوست سے بھی نہیں مل سکتے ۔ لیکن اگر انہیں جلد آزاد نہیں کیا گیا، تو ہم انہیں کورٹ سے آزاد کرائیں گے۔
