چھندواڑا : ریاست مدھیہ پردیش میں سڑک حادثے کے معاملے میں ہائی کورٹ نے معاوضے کو لے کر ایک تاریخی فیصلہ سنایا ہے۔ سڑک حادثے میں 42 سالہ تاجر کوثر علی کی موت کے معاملے میں، عدالت نے اورینٹل انشورنس کمپنی کو حکم دیا کہ وہ مرنے والے کے خاندان کو 6.14 کروڑ روپے بطور معاوضہ ادا کرے۔ واضح رہے کہ ریاست میں اتنی بڑی معاوضہ رقم دینے کا یہ اپنی نوعیت کا پہلا معاملہ ہے۔
عدالت نے یہ بھی حکم دیا کہ اگر انشورنس کمپنی دو ماہ میں رقم ادا نہیں کرتی ہے تو 9 فیصد شرح سود ادا کرنا ہوگا۔ تاہم عدالت کے اس تاریخی فیصلے سے مرنے والے کوثر علی کے اہل خانہ کا مستقبل محفوظ ہو جائے گا۔ خاندان نے اس کے لیے ایڈوکیٹ راجیش کھنڈیلوال کا شکریہ ادا کیا۔ کنسٹرکشن کنٹریکٹر اور ٹرانسپورٹ بزنس مین کوثر علی، جو کی مدھیہ پردیش کے ضلع چھندواڑہ، جن کا 04 اپریل 2019 کو سہورا بائی پاس پر ایک سڑک حادثے میں ہلاک ہو گئے۔ کوثر علی کی گاڑی ٹرک سے ٹکرا گئی۔
یہ بھی پڑھیں: MP Assembly Election 2023 برہانپور شہر میں مسلم امیدوار کو ٹکٹ دینے کا مطالبہ
کوثر علی کے خاندان نے ایڈوکیٹ راجیش کھنڈیلوال، ان کے ساتھیوں ستیش کماوت اور راکیش پٹیل سے رابطہ کیا اور اندور میں موٹر ایکسیڈنٹ کلیمز ٹریبونل کے سامنے معاوضے کا دعویٰ پیش کیا۔ اس پر موٹر ایکسیڈنٹ کلیمز ٹربیونل نے واقعہ کا سبب بننے والی ٹرک کی انشورنس کمپنی اورینٹل انشورنس کمپنی کو دعویٰ پیش کرنے کی تاریخ سے تقریباً 4 کروڑ 86 لاکھ روپے اور 06 فیصد سود ادا کرنے کا حکم دیا۔ اس طرح انشورنس کمپنی کو کل 6 کروڑ 14 لاکھ روپے ادا کرنے ہوں گے۔ واضح رہے کہ ریاست مدھیہ پردیش میں یہ پہلا معاملہ ہے جب عدالت نے سڑک حادثے کے معاملے میں مرنے والوں کے اہل خانہ کو اتنی بڑی رقم ادا کرنے کا حکم دیا ہے۔
