مدھیہ پردیش کے کانگریس کے رکن اسمبلی جیتو پٹواری نے کھنڈوا میں منعقد تقریب سے خطاب کرتے ہوئے وزیر اعلی مدھیہ پردیش شیوراج سنگھ کے خلاف متنازع ریمارکس کیے۔
انھوں نے سابق وزیر اعلی مدھیہ پردیش اور کانگریس رہنما کمل ناتھ کا شیوراج سنگھ چوہان سے تقابل کرتے ہوئے کہا کہ 'شیوراج سنگھ چوہان کمل ناتھ کے پاوں کی دھول بھی نہیں ہے'۔
کانگریس رہنما کا شوراج سنگھ چوہان کے خلاف متنازعہ ریمارک
جیتو پٹواری نے ملک کے سرمایہ کاروں کا نام لیتے ہوئے کہا کہ کمل ناتھ کے ان سے بہت اچھے تعلقات ہیں۔ اور جب وہ انھیں فون کرتے ہیں تو کام فوری ہوجاتا ہے، اس کے برعکس شیوراج سنگھ چوہان ایسا نہیں کرپاتے۔ انھوں نے مزید کہا کہ شیوراج سنگھ چوہان کمل ناتھ کے پاؤں کی دھول بھی نہیں۔
پٹواری نے مزید کہا کہ کمل ناتھ ترقیاتی کام کرانا جانتے ہیں۔ کسانوں کے مسائل حل کرنا اور انھیں راحت دینا کمل ناتھ کی ترجیحات ہیں۔
