ریاست مدھیہ پردیش کے کانگریس کے سابق وزیر اعلیٰ تعلیم جیتو پٹواری میں بھارتیہ جنتا پارٹی کی حکومت پر سنگین الزام عائد کرتے ہوئے کہا ہے کی بھارتیہ جنتا پارٹی کی حکومت کی لاپرواہی کے چلتے محکمہ صحت کے دودرجن لوگ کورونا وائرس سے متاثر ہوئے ہیں۔ جبکہ سب سے زیادہ صوبے کی ذمہ دار وہی لوگ بیمار ہے ۔
انہوں نے کہا بڑے دکھ کی بات ہے کہ محکمہ صحت کی سب سے بڑی ذمہ دار افسرجو خود کورونا وائرس سے متاثر ہیں، وہ اپنے گھر سے علاج کے لیے اسپتال بھی نہیں گئی۔
جبکہ حکومت نےکورونا کے متاثرہ مریضوں کے لیے ایمس اور چیرایو ہسپتال کو طے کیا ہے، لیکن ہیلتھ سے جوڑے بیمار افسران پرائیویٹ اسپتالوں میں علاج کروا رہے ہیں۔
انہوں نے کہا کیا لوگوں کے لیے الگ اور افسران کے لیے الگ قانون ہیں۔ محکمہ صحت کی ذمہ دار افسر کورونا سے متاثر ہونے کے باوجود کئی میٹنگ اور کی فائلوں پر دستخط بھی کیے۔ یہی وجہ ہے کہ دوسرے افسران بھی کورونا سے متاثر ہوئی ہیں۔
اسی بیچ وزیر اعلی شیوراج سنگھ چوہان نے بھی محکمہ صحت کے افسران سے میٹنگ کی اور لگاتار ان کے رابطے میں رہے اس لئے انہیں قرنطینہ میں رہنا چاہیے۔
پٹواری نے کہا ایک طرف تو حکومت دوسروں کو لاک ڈاؤن میں رہنے کی ہدایت دے رہی ہے۔ اور خود اس کا احتیاط نہیں رکھ رہی ہے۔
انہوں نے چھتیش گڑھ کی مثال دیتے ہوئے کہا کہ وہ اس وبا سے آزاد ہو گیا ہے۔ اور ہمارے دوشہر سب سے زیادہ کورونا سے متاثر ہیں، جس کی پوری طرح سے ذمہ دار بھارتیہ جنتا پارٹی ہے۔
