امت شاہ سے ایم ایل اے معاملے میں مداخلت کی اپیل

مدھیہ پردیش میں گذشتہ دس دن سے جاری سیاسی واقعات کے درمیان، وزیر اعلیٰ کمل ناتھ نے آج مرکزی وزیر داخلہ امت شاہ سے اپیل کی کہ بنگلور میں یرغمال بنائے گئے 22 کانگریسی ممبران کو بحفاظت اپنی ریاستوں میں بھیجنے کے معاملے میں اپنے اختیارات کا استعمال کریں۔

امت شاہ کو لکھے گئے خط میں کمل ناتھ نے تین مارچ سے شروع ہونے والے واقعات کی تفصیلی وضاحت کی ہے۔

انہوں نے کہا کہ بی جے پی کے ممبران اسمبلی نے کانگریس کے ان ارکان اسمبلی سے استعفے اسپیکر کو پیش کردیئے اور اب یہی بی جے پی لیڈر فلور ٹیسٹ کی بات کر رہے ہیں۔

انہوں نے امت شاہ کو یقین دلایا کہ مدھیہ پردیش آنے پر ان ارکان اسمبلی کو ریاست میں مکمل سکیورٹی فراہم کی جائے گی اور یہ ریاستی حکومت کا فرض ہے۔