مدھیہ پردیش کہ کھنڈوا ضلع میں ہائی وے نمبر 27 کے قریب واقع پوتیان ندی میں بس کے گرنے کا واقعہ پیش آنے سے علاقے میں سنسنی پھیل گئی۔ ذرائع کے مطابق بس میں 40 سے 50 مسافر سوار تھے۔ اس حادثے میں دو لوگوں کی موت ہوئی ہے۔ تقریبا بیس سے زیادہ لوگ شدید طور پر زخمی ہوئے۔Bus Fall Off Bridge Into River In Indore In Madhya Pradesh
بتایا جاتا ہے کہ موسلادھار بارش کے سبب یہ حادثہ پیش آیا۔ مقامی لوگوں نے جائے وقوع پر پہنچ کر بس کے اندر پھسنے مسافروں کو بچانے کی کوشش کی اور متعدد لوگوں کو باہر نکالا۔
زخمیوں کو سول اسپتال میں داخل کرایا گیا، جس میں سے دو لوگوں کی حالت نازک بتائی گئی ہے۔ اس واقعے کی اطلاع ملنے کے بعد پولیس کے اعلی عہدیدار جائے وقوع پر پہنچ کر حالات کاجائزہ لیا۔
یہ بھی پڑھیں:Kamalnath On Minor Rape Case معصوم بچی کے ساتھ جنسی زیادتی کرنے والوں کے خلاف سخت کارروائی کا مطالبہ
پولیس نے ابتدائی تفتیش کے بعد کہاکہ بس کھنڈوا سے اندور جا رہی تھی۔ بس بے قابو ہوکر پل سے ندی میں گر گئی۔ پل کی اونچائی تقریبا دس فٹ ہے۔ ندی میں پانی کم ہونے کی وجہ سے مسافروں نے بس کے دروازے اور کھڑکیوں کے سہارے باہر نکل کر اپنی جان بچائی۔ اس حادثے میں ہلاک ہونے والے لوگوں کی شناخت نہیں ہوپائی ہے۔
