مدھیہ پردیش کے دارالحکومت بھوپال کے آس پاس کے علاقوں میں چلنے والے اینٹوں کے بھٹے لاک ڈاؤن کے سبب بند کر دیئے گئے تھے اور ساتھ ہی تعمیراتی کام بھی، جس کے چلتے اینٹ بھٹوں کے مالکوں اور یہاں کام کرنے والے مزدوروں کے سامنے روزی روٹی کا مسئلہ کھڑا ہوگیا تھا۔
اینٹ بھٹوں کے مالک کے مطابق لگاتار دو مہینے چلے اس لاک ڈاؤن سے ہمیں بہت پریشانی کا سامنا کرنا پڑا اور تمام جمع پونجی رقم ختم ہوگئی تھی لیکن اب حالات آہستہ آہستہ معمول پر آنے کے بعد اینٹ بھٹوں پر کام جاری ہوگیا جس سے مزدور سمیت مالکان نے بھی راحت کی سانس لی ہے لیکن اب بھی تعمیری کام رکے ہوئے ہیں۔
واضح رہے کہ کورونا وائرس کی روک تھام کے لیے لاک ڈاؤن نافذ کیا گیا تھا جس کی وجہ سے ہر شعبہ متاثر ہوا ہے لیکن اب حالات آہستہ آہستہ معمول پر آرہے ہیں لیکن کاروبار کو دوبارہ پٹری پر لانا جوئے شیر لانے کے مترادف ہے۔
