اطلاعات کے مطابق مدھیہ پردیش کے 17 اراکین اسمبلی لاپتہ ہو گئے ہیں اور سبھی کے فون بند ہیں۔
باغی اراکین اسمبلی بنگلورکے ریسارٹ پہنچے۔
اطلاعات کے مطابق ، کانگریس کے لاپتہ اراکین اسمبلی بنگلور کے ہندوستان ایروناٹکس لمیٹیڈ (HAL) ایئرپورٹ پر اترے۔
ذرائع کے مطابق باغی 17 اراکین اسمبلی بنگلور شہر کے مضافات میں واقع ایک ریسارٹ میں ہیں۔
آئندہ راجیہ سبھا انتخابات کے لیے پارٹی کے امیدواروں کے انتخاب پر وزیر اعلی کے دو روزہ قومی دارالحکومت دہلی کے دورے کے دوران بات چیت کی امید ہے۔
ریاست سے راجیہ سبھا کی تین نشستوں کو پُر کرنے کے لیے انتخابات 26 مارچ کو ہوں گے جبکہ پرچہ نامزدگی جمع کروانے کی آخری تاریخ 13 مارچ ہے۔
کانگریس دو سیٹیں جیت سکتی ہیں اور سابق وزیر اعلی دگ وجے سنگھ اور سابق مرکزی وزیر جیوتر آدتیہ سندھیا کو ان نشستوں کا سب سے بڑا دعویدار بتایا جا رہا ہے۔
