جیت کے بعد پرگیہ سنگھ ٹھاکر پارٹی دفتر نہیں پہنچیں

ریاست مدھیہ پردیش کے شہر بھوپال میں سادھوی پرگیہ سنگھ ٹھاکر اور بی جے پی کی جیت کو لے کر بھارتی جنتا پارٹی کے دفتر میں جشن کا ماحول ہے۔

کانگریس امیدوار کے مقابل بھارتیہ جنتا پارٹی نے سادھوی پرگیہ سنگھ ٹھاکر کو میدان میں اتارا تھا اور سادھوی پرگیہ سنگھ ٹھاکر نےکانگریس امیدوار دگ وجے سنگھ کو کثیر ووٹوں سے شکست دی ہے۔تاہم جیت حاصل کرنے کے بعد وہ بی جے کے دفتر نہیں پہنچیں۔

بھوپال میں گزشتہ تین دہائیوں سے بی جے پی کامیابی حاصل کرتی آ رہی ہے۔ پچھلی بار بی جے پی کے پرکاش سنجر نے تین لاکھ 70 سے زیادہ ووٹوں سے فتح حاصل کی تھی۔

پارٹی کے سینیئر رہنما ہیڈ کوارٹر میں بیٹھ کر ایک دوسرے کو مبارکباد دیتے ہوئے اور کارکنوں کی حوصلہ افزائی کرتے ہوئے نظر آئے۔

بھارتیہ جنتا پارٹی کے ترجمان نرمل بھارگو نے بتایا یا کہ یہ مودی لہر ہے، لوگ نریندر مودی کے ترقیاتی کامو ں سے خوش ہیں، یہی وجہ ہے کہ آج بی جے پی کامیابی کی راہ پر ہے۔