پوری دنیا میں کورونا وائرس کا قہر جاری ہے جس کے پیش نظر ملک میں تقریباً دو ماہ سے مسلسل لاک ڈاؤن جاری ہے۔ اس لیے غریب اور مزدور طبقہ کافی زیادہ متاثر اور پریشان ہوا ہے۔
ان سب حالات کو دیکھتے ہوئے مدھیہ پردیش حکومت نے یومیہ مزدوروں اور دیگر لوگوں کو بسوں اور ٹرین کے ذریعے انہیں گھر پہنچانے کی شروعات کر دی ہے۔
اس تعلق سے حبیب گنج اسٹیشن سے ایک ٹرین لوگوں کو لے کر روانہ ہوئی، اس کے لیے ریلوے اسٹیشن پر پختہ انتظامات کئے گئے تھے تاکہ کسی بھی قسم کی افرا تفری نا ہو اور سماجی فاصلے بھی برقرار رہیں۔
ان مسافروں کو مفت ٹکٹ کے علاوہ راستے میں کھانے پینے کی اشیا بھی مہیا کرائی گئی جبکہ ٹرین میں بیٹھنے سے قبل تمام لوگوں کی اسکریننگ بھی کی گئی۔
مسلسل لاک ڈاؤن کی وجہ سے مہاجر مزدور اپنے گھر پہنچنے کے لیے سینکڑوں کلومیٹر پیدل سفر کر رہے ہیں واضح رہے کہ لاک ڈاؤن کا یہ چوتھا مرحلہ ہے۔
لاک ڈاؤن کے سبب دوسری ریاستوں میں کام کرنے گئے یومیہ مزدور اپنے گھروں کو لوٹنے کو مجبور ہے، ان مزدوروں کو کوئی ذریعہ نہ ملنے پر انہوں نے پیدل چلنا شروع کر دیا تو کئی لوگ اپنے پیسے سے گاڑیوں کا انتظام کر اپنے وطن لوٹنے رہے ہیں۔
