ریاست مدھیہ پردیش کے دارالحکومت بھوپال میں را شٹریہ سیکولر منچ کے زیر اہتمام بھوپال کے گاندھی بھون میں مہاتما گاندھی کے مجسمے کے سامنے بیٹھ کر احتجاج کیا گیا- یہ احتجاج ملک میں جس طرح سے امن و امان کو بگاڑا جا رہا ہے Law and order is Being Disturbed اور مہاتما گاندھی کے خلاف بیان بازی کے ساتھ مذہبی تقریبات Religious Ceremonies میں مسلم طبقے کے خلاف نفرت پھیلانے والے پروپیگنڈا Hateful Propaganda کے خلاف تھا-
احتجاج میں شرکت کرنے آئے مقررین کا کہنا ہے کہ جس طرح سے دھرم سنسد کے نام پر ہریدوار اور چھتیس گڑھ میں بیان بازی ہوئی ہے- وہ غیر آئینی ہے اور غیر انسانی ہے-
مہاتما گاندھی کو آج برا اور گھوڑسے کو اچھا کہا جا رہا ہے یہ سراسر غلط ہے- مقررین کا کہنا ہے کہ یہ سب ملک کی حکومت کے تحفظ میں کیا جا رہا ہے- مقررین کا کہنا ہے کہ اتنا سب کچھ ہو رہا ہے جو غیر آئینی ہے پھر بھی حکومت میں بیٹھے لوگ چپ ہیں اور ان لوگوں کے خلاف کارروائی نہیں کی جا رہی ہے جو ملک کے امن و امان کو خراب کر رہے ہیں-
راشٹریہ سیکولر منچ کے ذمہ داران کا کہنا ہے جس طرح ماحول ملک میں بنایا جارہا ہے ہم اس کے خلاف ہیں اور ہم کوشش کر رہے ہیں اس طرح کی طاقتوں کو کچل سکے- را شٹریہ سیکولر منچ کے ذمہ داران کا کہنا ہے جس طرح ملک میں اکثریت کے حقوق ہیں اسی طرح دوسرے طبقات کے بھی حقوق ہیں جو انہیں ملنا چاہیے اس لیے یہ احتجاج رکھا گیا ہے جس کے بعد ایک میمورینڈم اس تعلق سے صدر جمہوریہ کو پیش کیا جائے گا-
