ریاست مدھیہ پردیش کے دارالحکومت بھوپال میں کورونا کے سبب متاثرین کے ساتھ ساتھ اموات میں بھی غیر یقینی اضافہ ہوا اور اس وبا سے ہلاک ہونے والوں کی تدفین کے لیے بھوپال کے نوابی دور کے جہانگیر آباد قبرستان کا انتخاب کیا گیا۔
کورونا وبا سے ہوئی اموات میں اضافےکے باعث اب قبرستان میں تدفین کے لیے جگہ کم پڑ رہی ہے۔ جگہ کی قلت کی وجہ سے اب یہاں صرف 200 لوگوں کو ہی دفنانے کی جگہ بچی ہے۔کیونکہ 6 ماہ کے اندر اس قبرستان میں 1 ہزار 200 سے زیادہ تدفین عمل میں آئی ہے۔
مزید آپ کو بتادیں کہ' جہانگیر آباد قبرستان میں مدفون کیے گئے کورونا متاثرین میں ایک بڑی تعداد ان افراد کی بھی جو بھوپال میں علاج و معالجہ کی غرض سے آئے لیکن وبا کے سبب ہلاک ہوگئے۔
مزید پڑھیں:
اندور میں کورونا کے 142 نئے کیسز
ان مسائل کے سبب قبرستان کمیٹی کا کہنا ہے کہ' ڈبلیو ایچ او کے مطابق موسم سرما میں کورونا وبا میں کمی آنے کی بات کی گئی ہے۔لیکن اگر وبا کا اثر کم نہیں ہوا اور ہلاک ہونے والوں کی تعداد میں کمی نہیں ہوئی تو شائد قبرستان کمیٹی کے لیے یہ بات باعث تشویش ہوگی کہ وہ آگے کیا اقدام لیں۔
