ریاست مدھیہ پردیش کے دارالحکومت بھوپال کی تنظیم برادر ہوڈفار مسلمز (بی بی ایم ) بھوپال میں لگاتار فلاحی کاموں کو انجام دے رہی ہے۔ اس تنظیم کے ذریعے ضرورت مندوں کی ہر طرح کی مدد کی جارہی ہے۔ چاہے بھوکوں کو کھانا کھلانے یا نوجوانوں کو روزگار دینے یا پھر بیماروں کو علاج فراہم کرنے کی بات ہو، یہ ہر طرح سے ضرورتمندوں کی مدد کے لیے پیش پیش رہتے ہیں۔
اب جشن آزادی کے اس ہفتے کے تحت بی بی ایم گروپ نے خون عطیہ کیمپ کا انعقاد کیا، جس میں لوگ بڑھ چڑھ کر حصہ لے رہے ہیں۔
برادر ہوڈ فار مسلمس کے صدر شعیب ہاشمی کا کہنا ہے کہ یہ ہمار پانچواں خون عطیہ کیمپ ہے۔ ہم زیادہ تر تھیلسمیا متاثر بچوں کو خون عطیہ کرتے ہیں کیونکہ انہیں خون ملنے میں مشکلات کا سامنا کرنا پڑتا ہے۔ ہماری کوشش ہوتی ہے کہ ہم ان کی پریشانی کو کم کرسکیں۔
مزید پڑھیں:بی جے پی دفتر پر قومی پرچم کی توہین کے خلاف دھرنے پر بیٹھے عارف مسعود
واضح رہے کہ اس تنظیم کے ذریعہ پانچویں بار خون عطیہ کیمپ کا انعقاد کیا گیا ہے اور اس کیمپ میں جمع ہونے والے خون کو تھلیسمیا بیماری سے متاثر بچوں کو عطیہ کیا جاتا ہے۔ اس کے علاوہ ان غریب والدین کے بچوں کا بھی خیال کیا جاتا ہے، جو خون کا انتظام نہیں کرپاتے ہیں۔
