ریاست مدھیہ پردیش کے دارالحکومت بھوپال میں کووڈ-19 کے کیسز میں مسلسل اضافہ دیکھا جارہا ہے۔
کورونا وائرس سے نمٹنے کے لیے ضلع انتظامیہ طرح طرح سے کوششیں کر رہی ہے کی اس مہلک بیماری سے ضلع کو آزاد کرایا جائے۔
اس سلسلے میں بھوپال کے کلکٹر ترون پتھوڑے نے عوام سے خطاب میں کہا 'بھوپال میں ابھی ایک کنٹینمنٹ علاقے کو کورونا وائرس سے فری کرایا گیا ہے۔ اس علاقے کے لوگوں نے ضلع انتظامیہ کی بہت مدد کی ہے۔ علاقے کے لوگوں نے باہر نکلنا بند کردیا تھا اور نہ ہی باہر سے کسی کو اندر آنے دیا جارہا تھا۔ اس کا یہ فائدہ ہوا کہ یہ علاقہ کنٹینمٹ فری ہوگیا'۔
انہوں نے کہا 'اسی طرح سے ہم دوسرے علاقوں کو کووڈ-19 سے فری کر سکتے ہیں۔ بھوپال میں پانچ سے سات ایسے علاقے ہیں جہاں سے لگاتار کورونا وائرس کے مریض سامنے آرہے ہیں۔ اس لیے ہمیں احتیاتی تدابیر پر عمل کرنا ہو گا'۔
لیکٹر ترون پتھوڑے نے کہا 'ہمیں لوگوں سے مدد کی ضرورت ہے، ہم چاہتے ہیں کہ لوگ اپنے علاقوں میں خود آگے آئیں رضاکار بنیں اور ان کے ذریعے لوگوں کو گھروں میں رہنے کی تاکید کر تے رہیں۔ اپنے علاقے کے لوگوں کو فون کرکے انکو ضروری ہدایت دے اس طرح کے اقدام سے ہی ہمیں اس وبا سے نجات ملے گی'۔
