بھوپال: مدھیہ پردیش کے وزیر داخلہ ڈاکٹر نروتم مشرا نے آج کہا کہ ریاستی حکومت منشیات کے غیر قانونی کاروبار میں ملوث افراد کے خلاف سخت ہے اور جلد ہی تمباکو نوشی کے خلاف بھی مہم شروع کی جائے گی۔ نامہ نگاروں سے بات چیت کے دوران ڈاکٹر نروتم مشرا نے کہا کہ ریاستی حکومت منشیات فروشوں کے خلاف سخت ہے۔ Anti Tobacco Gutka Campaign
وزیر اعلی شیوراج سنگھ چوہان کی ہدایات کے بعد ان کے خلاف مہم تیز کر دی گئی ہے۔ اب تک 43 ہزار لیٹر شراب ضبط کی گئی ہے۔ تمام حقہ لاؤنج بند کر دیے گئے ہیں۔انہوں نے کہا کہ جلد ہی ریاست میں تمباکو گٹکا مافیا کے خلاف بھی مہم شروع کی جائے گی۔ریاست میں گزشتہ چند دنوں سے حقہ لاؤنج اور شراب خانوں کے خلاف مہم تیز ہے۔
یو این آئی
