ریاست مدھیہ پردیش کے شہر اندور میں سینٹرل ٹریڈ یونین کے اعلان پر آنگن واڑی کارکن کا صدر جمہوریہ کے نام کمشنر دفتر میمورنڈم سونپا گیا۔
اندور میں سماجی کام کرنے کے لئے صوبائی حکومت سماجی کارکنوں کی مدد لیتی ہے، جن کو تنظیموں کے ذریعے کام کے بدلے محنتانہ بھی دیا جاتا ہے۔ ایسی ہی ایک تنظیم آنگن واڑی ہے۔
آنگن واڑی شہر کے الگ الگ علاقوں میں حکومت کی جانب سے معاشرے کی فلاح اور بہبود کے لئے کام کرتی ہے جس کے بدلے ان کو محنتانہ بھی دیا جاتا ہے۔
ملازموں کے لیے کام کرنے والی سینٹرل ٹریڈ یونین کے اعلان پر آنگن واڑی کارکن کمیشنر دفتر پہنچے اور صدر جمہوریہ کے نام میمورنڈم سونپا جس میں مطالبہ کیا گیا کہ ہمیں بھی سرکاری ملازم کے طور پر تسلیم کیا جائے اور جو سہولت سرکاری ملازم کو دی جاتی ہے وہی سہولت ہمیں بھی دی جائے۔
ان کا کہنا تھا کہ ہم سرکار کے ہر محکمے کے کاموں کو بخوبی کرتے ہیں یہاں تک کہ کورونا کے دور میں بھی ہم نے کام کیا تو پھر ہم سے یہ فرق کیوں جو سہولت سرکاری ملازموں کو دی جاتی ہے وہی ہمیں بھی دی جائے۔
