مدھیہ پردیش کے دارالحکومت بھوپال میں آج عام آدمی پارٹی کے زیر اہتمام پریس کانفرنس کا اہتمام کیا گیا۔ جس میں عام آدمی پارٹی کے صوبائی صدر پنکچ سنگھ نے پارٹی کی طرف سے اعلان کیا کہ اس بار عام آدمی پارٹی بھوپال میونسپل کارپوریشن کے انتخابات میں اپنے امیدوار اتارے گی اور جلد پارٹی کے امیدواروں کا اعلان کیا جائے گا۔
پنکچ سنگھ نے کہا کہ عام آدمی پارٹی اگر میونسپل کارپوریشن کے انتخابات میں کامیابی حاصل کرتی ہے تو وہ سب سے پہلے یہاں کے لوگوں کی بنیادی سہولیات پر دھیان دے گے اور ساتھ ہی کوشش کی جائے گی کہ جس طرح سے دہلی میں ترقی کا خاکہ تیار کیا گیا ہے، اسے بھوپال میں بھی عمل میں لایا جائے اور لوگوں کی بنیادی سہولیات بجلی، پانی، تعلیم، صحت اور دیگر چیزوں پر دھیان دیا جائے گا۔
مزید پڑھیں:
پٹرول، ڈیزل کی قیمتوں میں اضافے کے خلاف منفرد احتجاج
ساتھ ہی ہر طبقے کے بزرگوں، بچوں، نوجوانوں اور کسانوں کی ضروریات کو پورا کرنے کی کوشش کی جائے گی۔
