پولیس ذرائع کے مطابق کاٹھیابندھان گاؤں میں واقع ایک کھیت کے بغیر منڈیر کے کنویں میں کل رات پک اپ گاڑی کے گرجانے سے سات سالہ چمپا اور چار سالہ سونندا کی موقع پر ہی موت ہوگئی۔
دیگر زخمی بچوں ارون،ساون،ممتا،ریتیش ،کرشنا اور آکاش کو نکال کر جھرنیا کے سرکاری اسپتال لے جایا گیا۔ پھروہاں سے انہیں ضلع اسپتال میں داخل کرایا گیا۔
پولیس نے بتایا کہ گاؤں کے کچھ لوگ پک اپ گاڑی سے کھرگون سے کھاد لےکر لوٹے تھے۔
تبھی چتر سنگھ کے یہاں آدھا کھاد اتارنے کے بعد مہیندر کے گھر اسے لے کر جارہے تھے۔
اسی دوران پک اپ گاڑی میں آٹھ بچے سوار ہوگئے۔ ڈرائیور کی لاپرواہی کی وجہ سے راستے میں بھار سنگھ کے کھیت میں واقع بغیر منڈیر کے کنویں میں پپ اپ گاڑی گرگئی۔
ایک بچے کی لاش رات کو ہی نکال لی گئ، جبکہ دوسرے کی لاش پک اپ گاڑی نکلوانے اور کنویں کا پانی خالی کروانے کے بعد نکالی جاسکی۔
دونوں بچوں کی لاشیں پوسٹ مارٹم کے بعد آج گھروالوں کو سونپ دی گئیں ۔پک اپ گاڑی کا ڈرائیور موقع سے فرار ہوگیا۔اس کے خلاف معاملہ درج کیاگیا ہے۔
