بھوپال: عید میلاد النبی کے موقع پر امن کا پیغام دیا جائے گا

بھوپال میں امام گیٹ چوراہے پر 19 اکتوبر کو رات 8 بجے روایتی جلسہ ہوگا جس میں ملک کے ممتاز علماء تقریر کریں گے اور حیات طیبہ پر روشنی ڈالیں گے-

آل انڈیا مسلم تہوار کمیٹی کی کال پر جشن عید میلاد النبی اس بار عالمی یوم امن کی شکل میں انوکھے انداز میں منایا جائے گا-

گورنر اور وزیراعلیٰ سے مل کر انہیں یادگار مومنٹو اور مبارکباد پیش کرنے کے ساتھ ہی ملک میں بدعنوانی, فرقہ واریت, دہشت گردی کو ختم کرنے کے لئے مسلمان اجتماعی دعا کریں گے- گھروں پر چراغاں ہوگا اور سبز پرچم لہرائے جائیں گے-

تہوار کمیٹی کے قومی صدر پیرزادہ اوصاف شامیری خرم اور رکن اسمبلی عارف مسعود نے ایک مشترکہ پریس کانفرنس میں یہ بات کہی-

انہوں نے بتایا کہ پیغمبر اسلام حضرت محمدﷺ کےامن و اخوت، انسانیت نیز خیر سگالی کے پیغام کو عوام الناس تک پہنچانے کے لئے اس بار میلاد النبی امن ڈے کی شکل میں منایا جائے گا -

اس موقع پر بھوپال میں امام گیٹ چوراہے پر 19 اکتوبر کو رات 8 بجے روایتی جلسہ ہوگا جس میں ملک کے ممتاز علماء تقریر کریں گے اور حیات طیبہ پر روشنی ڈالیں گے-