ریاست مدھیہ پردیش کے صنعتی شہر اندور میں وزیر تعلیم جیتو پٹواری نے بے ترتیب ٹریفک نظام کو درست کیا، جہاں بارش کے سبب ٹریفک جام ہونا عام بات ہے، لیکن جب ٹریفک میں خود وزیر تعلیم جیتو پٹواری پھنس گئے تو انہوں نے گاڑی سے اتر کر ٹریفک نظام کو اپنے ہاتھوں میں لے لیا۔
واقعہ کچھ یوں ہے کہ جیتو پٹواری رات چالڑے پوری چوراہ سے گزر رہے تھے اسی وقت وزیر تعلیم جیتو پٹواری کی گاڑی ٹریفک میں پھنس گئی، جس کے بعد انہوں نے خود ہی ٹریفک کے نظام کو اپنے ہاتھوں میں لے لیا۔
واضح رہے کہ جیتو پٹواری سینٹرل لائٹ کے افتتاح میں شریک ہونے جارہے تھے، جب یہ واقعہ پیش آیا، جس کی وجہ سے وہ اس تقریب میں نہیں پہنچ نہیں پائے۔
جب انہوں نے ٹریفک افسران کو فون پر رابطہ قائم کرنے کی کوشش کی تو کوئی معقول جواب نہ ملنے سے خود گاڑی سے اترے اور ٹریفک کو درست کروایا۔
واضح رہے کہ اندور میں اعلیٰ افسروں نے ایک مہم بھی چلائی ہے جس میں ان کا کہنا تھا کہ جس طرح سے صفائی ستھرائی میں وہ پہلے نمبر پر آئے ہیں اسی طرح کیوں نہ اس بار ٹریفک نظام میں بھی نمبر ون آئیں، لیکن ٹریفک جام کے واقعات سے اس مہم پر بھی سوالیہ نشان اٹھ رہے ہیں۔
