اندور میں کورونا کے 414 نئے کیسز

مدھیہ پردیش کے ضلع اندور میں ’کووڈ 19‘ کے 414 نئے کیسز سامنے آنے کے بعد یہاں وائرس سے متاثرہ افراد کی تعداد 21248 ہوگئی ہے ۔ ان میں سے 16780 افراد صحت یاب بھی ہوچکے ہیں۔

چیف میڈیکل اینڈ ہیلتھ آفیسر (سی ایم ایچ او) ڈاکٹر پروین جڈیہ نے گذشتہ رات ہیلتھ بلیٹن جاری کر کے بتایا کہ مجموعی 2648 نمونے جانچے گئے ہیں ۔

گذشتہ روز جانچے گئے نمونوں میں 414 پازیٹو پائے جانے کے بعد وائرس سے متاثرہ افراد کی تعداد 21248 ہوگئی ہے ۔ جبکہ گذشتہ روز 8 افراد کی موت ہونے سے اب تک 524 مریضوں کی اس وائرس سے موت ہو گئی ہے ۔

ادھرراحت کی خبر یہ ہے کہ اب تک مجموعی 16780 مریض صحت یاب ہوچکے ہیں ، جس کے بعد ایکٹو کیسز (زیر علاج مریض) کی تعداد 3944 ہو گئی ہے ۔