ریاست کے دارالحکومت بھوپال میں کورونا کے بڑھ رہے کیسز کے درمیان آج 291 نئے کیسز سامنے آئے ہیں ، جس کے بعد یہاں متاثرین کی مجموعی تعداد 14630 ہوگئی۔
سرکاری اطلاعات کے مطابق291 نئے کیسز سامنے آنے کے بعد دارالحکومت میں اب متاثرین کی مجموعی تعداد 14630 ہوگئی ہے ، جبکہ گزشتہ روز287 مریضوں کے صحت یاب ہونے کے بعد اب تک اس وبا سے 12354 مریض صحت یاب ہوئے ہیں ۔ فی الحال دو ہزار سے زیادہ ایکٹو کیسز ہیں ، جو ہوم آئیسو لیشن اور سرکاری قرنطینہ مراکز میں زیر علاج ہیں۔
وہیں اس عالمی وبا کی وجہ سے اب تک یہاں 349 مریضوں کی موت ہو گئی ۔ نئے مریض راج بھون ، اسمبلی ، 74 بنگلو، ایم ایل اے ریسٹ ہاؤس اور دیگر مقاما ت سے سامنے آئے ہیں ۔
