مدھیہ پردیش کے ضلع اندور میں کووڈ 19 کے 245 نئے کیسز سامنے آنے کے بعد کورونا وائرس سے متاثرہ افراد کی تعداد 10049 ہوگئی ہے۔ جبکہ دوافراد کی موت کے بعد اموات کی تعداد 344 ہوگئی ہے۔
راحت کی بات یہ ہے کہ اب تک 6618 مریض صحت یاب بھی ہوئے ہیں ۔ چیف میڈیکل اینڈ ہیلتھ آفیسر (سی ایم ایچ او) نے گذشتہ رات ہیلتھ بلیٹن جاری کر کے بتایا کہ اب تک مجموعی طور پر 179008 نمونوں کی جانچ کی جاچکی ہے ۔جس میں جانچے گئے 3359 نمونے بھی شامل ہیں۔ اب تک جانچے گئے نمونوں میں متاثرین کی تعداد 10049 ہے۔
گزشتہ روز ایک 25 سالہ اور ایک 55 سالہ دو خواتین کی موت ہونے کے بعد مرنے والوں کی تعداد 344 ہوگئی ہے۔
ادھر راحت کی بات یہ ہے کہ مجموعی 60 متاثرہ مریضوں کے صحت یاب ہونے پر چھٹی دی جانے کے بعد اب تک مجموعی طور پر 6618 مریض صحت یاب ہوچکے ہیں۔ جس کے بعد اسپتال میں زیر علاج مریضوں کی تعداد 3087 ہے۔ ادھر سرکاری قرنطینہ مراکز سے اب تک 5822 مشتبہ افراد کو صحت یاب ہونے کے بعد چھٹی دی جا چکی ہے ۔
