ڈائریکٹوریٹ آف ہیلتھ سروسز یو ٹی لداخ کی جانب سے جاری کردہ میڈیا بلیٹن کے مطابق لداخ میں کوروناوائرس کے 58 نئے مثبت معاملے پائے گئے ہے۔
ضلع لیہ سے 40 جبکہ کرگل ضلع سے 18 کوروناوائرس سے متاثر افراد کی تصدیق ہو گئی ہے۔
تازہ معاملوں کے ساتھ ہی لداخ میں کووڈ 19 فعال کیسز کی تعداد 421 تک جا پہنچی ہے۔ ضلع لیہ میں 297 اور ضلع کرگل میں 124 کیسز موجود ہے۔ جبکہ لداخ میں تمام فعال کیسز کی حالت مستحکم ہے۔
یہ بھی پڑھیں: کوروناوائرس: جموں و کشمیر میں 559 مثبت معاملے درج
واضح رہے کہ لداخ میں اب تک کوروناوائرس کے 1592 کیسز پائے گئے جن میں سے 1164 کیسیز صحتیاب جبکہ 421 ابھی زیر علاج ہیں اور سات افراد کی کورونا وائرس سے موت ہوچکی ہے۔
