مرکز کے زیر انتظام لداخ میں ڈائریکٹوریٹ آف ہیلتھ سروسز کی جانب سے مشتہر کیے گئے میڈیا بلیٹن کے مطابق مرکز کے زیرانتظام لداخ میں کورونا وائرس کے چھ مزید رپوٹ مثبت پائے گئے ہیں۔
چھ نئے مثبت کیسز میں تین کرگل جبکہ تین کا تعلق ضلع لیہہ بتایا گیا ہے۔
بلیٹن کے مطابق لداخ میں 472 فعال کیسز موجود ہیں جن میں سے کرگل میں 406 اور لیہہ میں 66 ایکٹیو ہیں۔ جبکہ کووڈ19 کے تمام مثبت کیسز کی حالت مستحکم ہے۔
واضح رہے کہ لداخ میں کورونا وائرس سے اب تک 555 افراد متاثر ہوئے ہیں۔ جن میں سے 82 صحت یاب ہو چکے ہیں اور 472 دیگر زیر علاج ہیں۔ جبکہ کورونا وائرس سے متاثر ایک مریض کی موت واقع ہوئی ہے۔
