خبر رساں ایجنسی کے مطابق سیکیورٹی فورسز نے ایک چینی فوجی کو لداخ کے چومر ڈیمچُک علاقے میں حراست میں لیا ہے۔ وہ غلطی سے بھارتی حدود میں داخل ہو گیا تھا۔
ذرائع نے بتایا کہ انہیں تمام لوازمات کو پورا کر کے پروٹوکول کے تحت واپس بھیج دیا جائے گا۔ جب انہیں حراست میں لیا گیا اس وقت پیپلز لبریشن آرمی (پی ایل اے) کا سپاہی کے پاس سیول اور فوجی دستاویزات موجود تھے۔
یہ بھی پڑھیں: جے کے سی اے بدعنوانی کیس: فاروق عبداللہ سے پوچھ گچھ
بھارت اور چین کی افواج کے مابین کشیدگی رواں برس کے مئی سے جاری ہے۔ جون ماہ میں کشیدگی میں اس وقت اضافہ ہوا جب وادی گلوان میں 20 بھارتی فوجی ہلاک ہوئے تھے۔
گزشتہ ماہ پینگ گانگ میں دونوں ممالک کے افواج آمنے سامنے آنے کے بعد ایک سے زیادہ بار ہوا میں گولیاں چلائیں گئیں۔
اس تنازعہ کو حل کرنے کے لیے دونوں فریقوں کے مابین کئی بار فوجی اور سفارتی مذاکرات ہوئے ہیں۔
