چیرنگ دورجے لاگروک نے بی جے پی قومی صدر جے پی نڈا کے نام دیئے گئے استعفی نامہ میں مستعفی ہونے کی وجوہات کچھ اس طرح رقمطراز کیا کہ یو ٹی انتظامیہ لداخ سے باہر درماندہ مسافرین، مریضوں، زائرین اور طلبا کو واپس لداخ لانے میں سراسر ناکامی کے باعث بطور احتجاج میں اپنی صدارت سمیت پارٹی کی بنیادی رکنیت سے مستعفی ہوا ہوں۔
انہوں نے مزید لداخ خود مختار پہاڑی ترقیاتی کاونسل کو کمزور کرنے اور یو ٹی انتظامیہ کاونسل ایکٹ کے تحت کام کرنے کی اجازت نہ دیئے جانے کے خلاف بطور احتجاج یہ فیصلہ لیا ہے۔
انہوں نے مزید کہا کہ کاونسل کے اختیارات کم کرنے نیز لداخیوں کی قربانیوں سے حاصل شدہ اس ادارے کے بقا کی بابت بی جی پی کے اعلی عہدیداروں کو گزشتہ دنوں ویڈیو کانفرنسنک کے ذریعہ آگاہ کیا تھا۔
انہوں نے استعفی نامہ میں مزید یو ٹی انتظامیہ پر الزام عائد کرتے ہوئے لکھا ہے کہ یو ٹی انتظامیہ چلانے والے محب وطن لداخیوں کی عزت نہیں کرتے جنہوں نے 1948سے لیکر اب تک ملک کے مختلف جنگوں کے دوران اپنی خدمات دے رہے ہیں۔
