چیف آف آرمی اسٹاف جنرل ایم ایم نروانے نے آج مشرقی لداخ میں آگے کے علاقوں (فاروارڈ ایریاز) کا دورہ کیا اور سیکٹر میں آپریشنل صورتحال کا جائزہ لیا۔ ان کے ہمراہ لیفٹیننٹ جنرل وائی کے جوشی، جنرل آفیسر کمانڈنگ انچیف، شمالی کمان اور لیفٹیننٹ جنرل ہریندر سنگھ، جنرل آفیسر کمانڈنگ فائر اینڈ فیوری کور بھی موجود تھے۔
آرمی چیف کو جنرل آفیسر کمانڈنگ، ترشول ڈویژن نے مشرقی لداخ میں موجودہ صورتحال اور آپریشنل تیاریوں کے بارے میں آگاہ کیا۔ انہوں نے سیکٹر میں تعینات فوجیوں کے ساتھ بات چیت کی اور ان کے استقامت اور اعلیٰ حوصلے کے لئے ان کی تعریف کی۔
بعدازاں، جنرل ایم ایم نروانے نے لیفٹیننٹ جنرل وائی کے جوشی کے ہمراہ ہیڈ کوارٹر آف فائر اینڈ فیوری کور کا دورہ کیا، جہاں انہیں لیفٹیننٹ جنرل ہریندر سنگھ نے بریفنگ دی۔
