ڈائریکٹوریٹ آف ہیلتھ سروسز یو ٹی لداخ کے مطابق گزشتہ 24 گھنٹوں کے دوران لداخ میں کورونا کے 30 نئے کیسز کی تصدیق ہوئی ہے۔
محکمہ ہیلتھ کی جانب سے جاری کردہ میڈیا بلیٹن کے مطابق لیہ میں 18 کرگل میں 12 افراد کورونا مثبت پائے گئے ہیں۔
موصولہ اطلاعات کے مطابق لداخ میں کورونا وائرس کے فعال کیسز کی تعداد 216 ہے، جبکہ لیہ ضلع میں 175 جبکہ کرگل میں 41 فعال کیسز ہیں ان سبھی کی حالت مستحکم بتائی جا رہی ہے۔
واضع رہے کہ لداخ میں اب تک کورونا وائرسز کی مجموعی تعداد 1276 ہے جن میں سے 1057 افراد صحتیاب جبکہ 216 ابھی زیر علاج ہیں اور تین افراد کی کورونا وائرس سے موت ہو چکی ہے۔
