کپوارہ کے زرہامہ علاقے میں آتشزدگی، دو مکان خاکستر

ضلع کپوارہ کے زرہامہ علاقے میں دیر رات پیش آئی آتشزدگی سے بھاری تباہی ہوئی، اس آتشزدگی میں دو رہائشی مکان خاکستر ہوگئے۔

مقامی لوگوں نے بتایا کہ زرہامہ میں اتوار اور پیر کی درمیانی شب آگ کی ایک واردات میں دو رہائشی مکان خاکستر ہوگئے۔ خاکستر ہونے والے مکان میں تین کنبے رہائش پذیر تھے جو اس حادثے کے بعد بے گھر ہوگئے اور تین کنبوں کھلے آسمان کے نیچے زندگی گزار پر مجبور ہوگئے۔

بتادیں کہ گزشتہ شب لگنے والی اس آتشزدگی نے دیکھتے ہی دیکھتے پورے مکان کو اپنے لپیٹ میں لے لیا۔ عینی شاہدین کا کہنا ہے کہ آگ اس تیز تھی کہ کچھ ہی منٹوں میں پورے مکان کو اپنی زد میں لے لیا۔

اگرچہ فائر اینڈ ایمرجنسی کے اہلکاروں نے کافی مشقت کرکے آگ پر قابو پایا لیکن تب تک پورا مکان خاکستر ہوچکا تھا، مقامی لوگوں نے ضلع انتظامیہ سے مدد کی اپیل کی ہے۔ آگ لگنے کی وجوہات کا پتہ نہیں چل سکا ہے۔'