جنوبی کشمیر میں ضلع کپوارہ کے مضافات سے آئے ایک 50 سالہ شخص نے اپنی بیمار بیوی کو پیٹھ پر لاد کر اسپتال پہنچایا۔
نمائندے کے مطابق جمعہ کے روز مانگا چیچی نامی ایک 50سالہ شخص جدہ گاؤں، جو لائن آف کنٹرول (ایل او سی) کے متصل ہے، سے علاج کے لئے سب ڈسٹرکٹ اسپتال ٹنگڈار پہنچنے کے لئے اس شخص کو 13 کلومیٹر کی مسافت طے کرنا پڑی۔
انہوں نے کہا کہ ’’پچھلے دو برسوں سے ہمارے گاؤں کا طبی مرکز غیر فعال ہے۔ ٹنگڈار پہنچنے کے لئے تین گھنٹے پیدل سفر طے کرنا پڑا کسی نے بھی میری مدد نہیں کی۔‘‘
اپنی اہلیہ کو اسپتال پہنچاتے ہوئے منگا چیچی کی ویڈیو وائرل ہوگئی ہے۔
ان کی اہلیہ پچھلے دو ماہ سے علیل تھیں۔ کچھ دن قبل اس کی حالت زیادہ بگڑ گئی تاہم مقامی طبی مرکز پر کوئی ملازم نہ ہونے کے سبب منگا چیچی کو اپنی بیوی کو کندھوں پر اٹھا کر اسپتال لے جانا پڑا۔
سرپنچ راجہ وقار نے کہا کہ ویڈیو وائرل ہونے کے بعد انتظامیہ متحرک ہوئی اور اس خاتون کو ضروری طبی امداد فراہم کی گئی۔ تاہم انہوں نے دعویٰ کیا کہ اس علاقے میں یہ پہلا ایسا واقعہ نہیں ہے۔ انہوں نے کہا کہ کچھ سال قبل ایک اور شخص کو اسپتال پہنچنے کے لئے اپنی بیوی کو پیٹھ پر اٹھا کر لےجانا پڑا تھا۔
