کپوارہ: ٹیچرس فورم کی جانب سے ضلع انتظامیہ کو امداد

شمالی کشمیر کے کپوارہ ضلع میں ٹیچرس فورم کی جانب سے ضلع ترقیاتی کمشنر کو ہیلتھ کِٹ، ماسک اور سینیٹائزرس دیے گئے۔

شمالی کشمیر کے کپورہ ضلع میں ٹیچرس فورم کی جانب سے ڈپٹی کمشنر کپوارہ کو 150 ہلتھ کٹس، 150 ماسک اور 100سینیٹائزرس بطور امداد دئے گئے۔

ٹیچرس فورم کے ضلع صدر نے بتایا کہ جہاں ٹیچرس فورم اساتذہ اور طلبہ کے حقوق کی حفاظت کے لئے کام کرتی ہے وہیں فلاحی اور سماجی کاموں میں بھی اپنا رول ادا کرتی ہے۔

دریں اثناء فورم کے ذمہ داروں نے عوام سے اپیل کی کہ ’’اس مقدس مہینے میں ہم سب کو غرباء، مساکین اور یتیموں کا خاص خیال رکھنا چاہئے تاکہ اللہ تعالیٰ ہم سے راضی ہو جائے۔‘‘

انہوں نے کوروناوائرس کے پھیلائو کو روکنے کے لیے عوام سے لاک ڈائون اور ساماجی دوری کا لحاظ رکھنے کی بھی اپیل کی۔