ہندواڑہ ٹریڈرس فیڈریشن کا انتخاب خوش اسلوبی کے ساتھ انجام پایا۔ اس میں صوفی اعجاز کو صدر منتخب کیا گیا ہے، جب کہ شیخ شہزاد کو فیڈریشن کا جنرل سکریٹری منتخب کیا گیا ہے۔
اس دوران صوفی اعجاز نے کہا کہ 'یہ میرے لیے بہت بڑا اعزاز ہے کہ تاجروں نے مجھے دوبارہ اپنا صدر منتخب کیا۔ میں تاجروں کی ترقی کے لیے دل و جان سے کام کروں گا'۔
صدر منتخب ہونے کے بعد اعجاز احمد صوفی نے بتایا کہ 'سیاسی و غیر سیاسی تنظیموں، صحافیوں، سول سوسائٹی کے اراکین کا میں شکرگزار ہوں جنہوں نے مجھے اس الیکشن میں کامیابی حاصل کرنے میں ساتھ دیا'۔
یہ بھی پڑھیں: 'شوپیان میں پانچ عسکریت پسندوں کی ہلاکت کے ساتھ ہی انصار غزوۃ الہند کا صفایا'
چیئرمین الیکشن بورڈ غلام رسول وانی اور وائس چیئرمین عبدالرشید ملک کے زیر اہتمام ہندواڑہ میں تاجروں کی فیڈریشن کے انتخابات جوش و خروش کے ساتھ ہوئے۔ سابق امیدوار اعجاز احمد صوفی اور منصور احمد بٹ سمیت دو امیدواروں نے کاغذات نامزدگی داخل کیے تھے۔ نئے صدر منتخب ہونے پر صوفی نے تجارت اور کاروبار سے وابستہ لوگوں کو یقین دلایا کہ وہ ان کو درپیش مختلف مسائل کے حل کے لیے انتھک محنت کریں گے۔
