کپواڑہ: سرحدی ضلع کپواڑہ میں جموں و کشمیر پولیس نے ایک غیر مقامی نقب زن کو گرفتار کر کے اس کے قبضے سے ایک لاکھ 53 ہزار880 روپے برآمد کر لیے۔ Kupwara Police Solve Theft Case within 24 Hours پولیس پوسٹ بازار، کپواڑہ کو عالم بٹ ولد سیف الدین بٹ ساکنہ گنائی محلہ، بارہمولہ کی طرف سے ایک تحریری شکایت موصول ہوئی، شکایت کنندہ، جو کہ ضلع کپواڑہ میں کاروبار کر تا ہے۔ اس کی دکان 27 اور 28 اپریل کی درمیانی رات لوٹ لی گئی۔ اس مناسبت سے پولیس نے ایف آئی آر نمبر98/2022 کے تحت متعلقہ سیکشن کے تحت پولیس اسٹیشن کپواڑہ میں مقدمہ درج کر کے تفتیش شروع کر دی۔
تفتیش کے دوران پولیس نے چند مشتبہ افراد سے پوچھ تاچھ کی اور بالآخر تفتیشی ٹیم نے محمد شاہد سلمانی ولد عبدالعزیز سلمانی نام کے غیر مقامی باشندے کو حراست میں لے لیا۔ Non Local Burglar Arrested in Kupwara پولیس بیان کے مطابق دوران تفتیش محمد شاہد نے اپنا جرم قبول کر لیا۔ شاہد بجنور، اتر پردیش کا رہائشی ہے اور حجام مارکیٹ کپواڑہ میں دکان چلا رہا تھا۔ ملزم کی نشاندہی پر اس کے کمرے سے ایک لاکھ 53 ہزار 880 روپے برآمد کیے گئے۔
مزید پڑھیں: Kangan Burglary Case:کنگن میں چوری کا معاملہ حل ملزم گرفتار
