ہندوارہ میں اپنی پارٹی کے کارکنان کا اجلاس

ہندوارہ میں اپنی پارٹی کے رہنما عبدالرشید بٹ نے اپنی رہائش گاہ پر اجلاس منعقد کیا، جس میں پارٹی کارکنان کا شکریہ ادا کرنے اور آنے والے انتخابات میں اپنی پارٹی کو کامیاب بنانے کے لیے محنت کرنے پر زور دیا۔

جموں کشمیر اپنی پارٹی کے سینئر رہنما عبدالرشیدبٹ نے ضلع کپوارہ کے ہندوارہ میں اپنی رہائش گاہ پر کارکنان کے ساتھ میٹنگ منعقد کی، جس میں عبدالرشید بٹ نے ڈی ڈی سی انتخابات میں پارٹی کا ساتھ دینے والے کارکنان کا شکریہ ادا کیا۔

میٹنگ میں کارکنان نے اپنی پارٹی کا ساتھ دینے اور پارٹی کو مزید مضبوط بنانے کا وعدہ بھی کیا، اس موقع پر عبدالرشید بٹ نے کارکنان سے اپیل کی کہ آنے والے انتخابات میں پارٹی کو مضبوط بنانے کی مکمل کوشش کریں۔